“كورونا” يفجع فؤاد يمين

ودّع الممثل فؤاد يمين إبن عمّته الذي تُوفي بعد إصابته بفيروس كورونا في أبيدجان ونعاه في رسالةٍ طويلةٍ عبر فيسبوك كتب فيها، “يا ابن عمتي ويا صديقي، كان إلي الحظ آخر خمس سنين بحياتي اني مضّي معك وقت بأبيدجان، وشوف حبّك وكرمك والضحكة يللي ما بتترك وجّك… ما بتذكّرك ولا نهار زعلان ومش عم تنكّت وتضحك. الحياة ما كانت سايعتك، وكنت دايماً تخبّرني عن أحلامك ومشاريعك يللي بدّك تعملها، وكنت من الناس يللي وين ما تكون تخلّي الكل حواليك مبسوط بدّي اعتذر منك، ما قدرنا نعمل الدعاية يللي حكينا عنها لشركتك وأجّلناها، وبدّي اشكرك ع كلّ لحظة حلوة مضّيناها سوا… كورونا سرقتك منّا، بس انت بقلوبنا رح تبقى على طول، كلّ ما نتذكّرك نبتسم ونقول شو كان حلو هالإنسان، الله يصبّر مرتك وولادك وامك وإخواتك… بيت شباب وابيدجان اليوم مكسورين. الله يرحمك”.

وتفاعل عدد كبير من متابعيه مع الخبر المؤلم، معزين يمين بفقدان إبن عمّته.